Wanyama hatarini kupotea Mto ruaha mkuu

WANYAMAPORI waishio katika maji ya mto Ruaha mkuu eneo la Hifadhi ya Taifa ya Ruaha mkoani Iringa, wapo hatarini kupoteza maisha baada ya maji ya mto unaopita ndani ya hifadhi ya Ruaha kuendelea kupungua- hali ambayo imetajwa kuwa ni hatari kwa usalama wa wanyamapori na viumbe mbalimbali viishivyo katika mto huo.

Hayo yamezungumzwa na Epaphras Muse- Daktari wa wanyamapori kutoka katika hifadhi ya Ruaha mkoani Iringa, ambaye amesema wanyamapori wanaoishi katika maji kama Samaki, Mamba, Viboko wapo hatarini mara maji hayo yatakapokauka.

Aidha Dokta Muse amesema licha ya wanyama wote hifadhini kuathiliwa na changamoto ya kupungua kwa maji hayo ya mto Ruaha, lakini athari kubwa nikwa wanyama, wadudu na viumbe hai mbalimbali ambavyo vinaishi ndani ya maji 

Naye Rodrick Mpogolo naibu katibu mkuu wa chama cha mapinduzi CCM Tanzania Bara,  aliyefika katika hifadhi hiyo ya Ruaha kuona mazingira namna yalivyo, amesema kila mtanzania anao wajibu wa kutunza mazingira ili kuunusuru mto Ruaha mkuu ambao unategemewa katika sekta ya uchumi.

Mpogolo amezitaka wizara zinazotegemea maji kukaa kwa pamoja na kutafuta namna njema ya kuuokoa mto huo ambao ni rasilimali ya sekta ya Maliasili na utalii, Nishati na madini, Kilimo na umwagiliaji pamoja na sekta ya Mifugo.

Awali katika uzinduzi wa kikosikazi cha kuokoa mazingira ya mto Ruaha mkuu, ambacho kilizinduliwa rasmi na makamu wa rais Samia Hassan Suluhu mkoani Iringa - aliitaka jamii kuwa rafiki wa mazingira kwakutunza vyanzo vya maji ili dunia iwe ni sehemu saklama ya kuishi.

Na mwandishi wetu

Oliver Motto